رجع للخدمة

السياسة د الخصوصية

هاد السياسة کاتشرح کيفاش دارجة سوتيتراج کايتعامل مع المعلومات ديالک ملي کاتستعملو.

آخر مرة تبدّلات: 15 أکتوبر 2026

1. فين کايخدم السّيت

دارجة سوتيتراج هي أداة کاتخدم فالمتصفح. ما فيهش کونطات ديال المستخدمين، لا تعاليق، و لا خلاص.

2. الفيشييات ما کايخرجوش من الجهاز ديالک

الڤيديو ولّا الأوديو اللي کاتختار کايتقرا و کايتعالج فالمتصفح ديالک صافي. لا الفيشيي، لا الصّوت، لا السطورا ما کايتصيفطو لحتى شي سيرڤر. الفهامة د الهضرة کاتتنزّل مرة وحدة من السيرڤر و کاتخدم على الجهاز ديالک.

3. شنو کايتخبّى فالمتصفح ديالک

باش ما تعاودش التنزال و باش ترجع تلقى الخدمة ديالک، السّيت کايخبّي هادشّي فالمتصفح ديالک:

  • الفيشييات ديال الفهامة د الهضرة (شي 3 جيݣا).
  • السوتيتراج ديال کل فيشيي، باش يرجعو إلا عاودتي ختاريتي نفس الفيشيي.
  • الاختيارات ديالک: واش قبلتي التنزال، الثيم (مضوّي ولّا مظلّم)، و الستيل ديال السوتيتراج.

هاد المعطيات کاتبقى فالجهاز ديالک، و تقدر تمسحها فأي وقت من الإعدادات د المتصفح (مسح معطيات السّيت).

4. المعلومات اللي يمکن يوصلونا

ملي کاتدخل للسّيت ولّا کاتنزّل الفهامة د الهضرة، السيرڤرات ديالنا يقدرو يعالجو معلومات تقنية بحال:

  • عنوان IP
  • النّوع د المتصفح و الجهاز
  • الوقت و التاريخ ديال الزيارة

کانستعملو هاد المعلومات غير باش نعرضو السّيت و نحافظو على الأمان ديالو. ما کاينش تتبّع ديال الإشهار و لا کوکيز ديال شي جهات برّانية.

5. الإيميل و التواصل

إلا قررتي تتواصل معانا فـcontact@darija.ma، کانتوصّلو بالمعلومات اللي اختارتي تصيفطها (الإيميل ديالک، الموضوع، و المحتوى د الرسالة)، و کانستعملوها غير باش نقراو شنو صيفطتي و باش نقدرو نجاوبوک.

6. الليانات البرّانية

السّيت فيه لينات کاتدّي لشي سيتات برّانية (ريديت، darija.ma). إلا برکتي على شي ليان برّاني، الاستعمال ديالک لداک السّيت کايبقى خاضع للسياسة ديال الخصوصية ديالو هو.

7. الأمان

کانحاولو نستعملو إجراءات تقنية معقولة باش نحافظو على السّيت، ولکن ما کاين حتى نظام آمن بنسبة 100%.

8. الدراري الصغار

هاد السّيت ما موجّهش للدراري الصغار، و ما کانجمعوش بلعاني معلومات شخصية عليهوم.

9. التغييرات

نقدرو نبدّلو هاد السياسة مرّة مرّة. التاريخ اللّي فوق کايبيّن فوقاش آخر مرّة تبدّلات.

10. کيفاش تتواصل معانا

إلا کان عندک شي سؤال على الخصوصية، صيفط لينا إيميل.