رجع للخدمة

شکون حنا؟

حنا ناس مهتمين بالدارجة المغربية، بالکتابة بيها، و بالحضور ديالها سوا فالأونلاين ولّا الأوفلاين. دارجة سوتيتراج هو پروجي من عند معهد دارجة، تدار باش يسهّل على أي واحد يستاغل آخر الموديلات ديال الذکاء الاصطناعي اللي مزيانين فالدّارجة و يصاوب بيهوم سوتيتراج لشي ڤيديو ولّا أوديو فابور و بلا ما يحتاج يخرّج الفيشييات من الجهاز ديالو.

کيفاش تخدّم دارجة سوتيتراج؟

  • کاتختار فيشيي ڤيديو ولّا أوديو من الجهاز ديالک.
  • الفهامة د الهضرة (واحد الموديل مدرّب على الدارجة) کاتتنزّل مرة وحدة و کاتخدم فالمتصفح ديالک، على الکارط ݣرافيک ديال الجهاز.
  • السطورا کايتکتبو بوحدهم، و من بعد تقدر تصحّحهوم، تبدّل الستيل ديالهوم، و تصدّرهوم بالفورمة SRT، VTT ولّا ASS، تکوپيي النصّ کامل، ولّا تصاوب ڤيديو بالسوتيتراج محروق فيه.

الفيشيي ديالک ما کايخرجش من الجهاز: لا الڤيديو، لا الصوت، لا النص ما کايتسيفطو لحتى شي سيرڤر.

بغيتي التفاصيل التقنية؟ شوف کيفاش هاد الشّي خدّام.

بغيتي تساهم؟

إلا لقيتي شي مشکل، ولّا عندک شي فکرة، ولّا بغيتي تعاون فالتطوير، سيفط لينا إيميل ولّا دخل معانا فـريديت.

الدارجة کاينة، حيّة، و کاتستاهل حتى تکون مکتوبة.